Бяцхан сайн үйлсийн аян

HI ALL!!! Блогтоо юм бичилгүй нэлээд удлаа. Бүгдээрээ сайн сууцгааж байсан биздээ. Ойрдоо хүйтэрснээс болж ханиад хүрэх гээд байгаа бололтой толгой өвдөөд байх боллоо. Саяхан хамт суралцагсадтайгаа хамт нэг өдрийг бусад хүмүүст туслахаар шийдлээ. Яг ямар хүнд туслах вэ гэдэг дээр нэлээд ярилцаж амьдрал нь хэцүү түлээ мод оо хагалах, ус зөөх зэрэг ойр зуурын ажлыг нь хийж өгөх хүнгүй боловч ажил хийж яваа хүнд туслая гэж бодлоо. Тэгээд цагаан утас ажиллуулдаг настай эмээ нарт туслая гэж бодлоо. Эхний туслах гэж асуусан 2 хүн маань туслуулахыг төдий л боддоггүй захын ойр хавьд утас ажиллуулдаг хүмүүс дээр очь гэлээ. Тэгээд бөмбөгөр зах руу очиж эхэлж харсан нэг эмээ дээр очиж учраа хэлтэл шууд хүлээж аваад гэр лүүгээ хамт дагуулж явлаа. Бид ч яг л хайж байсан хүн ээ олсон боллоо. Баянхошууны Хөтлийн буудал дээр буудлаасаа нэлээд хол уулын орой дээр хамгийн захын айл болохоор нэлээд очиход жаахан алхсандаа . Гэрт нь тэр эмээгийн нөхрөөс өөр эрэгтэй хүнгүй тул бүх хүнд ажлыг нь нөхөр нь хийдэг байж. Бид хэд тэр айлын модыг нь хурааж, хагалж бас усанд явсан. Гэхдээ гэр нь их цэмцгэр их ажилсаг айл байсан болохоор хийх ажил ч бага байсан. Бас уулын орой дээр болохоор агаар сайхантай яг л зуслан дээр байгаа юм шиг утаа энэ тэр байхгүй хамар онгойгоод л явчихсан. Бид хэд хүнд туслах гэж очсон биш харинч сайхан байгальд гарах шиг болж ард талын уулан дээр нь гарч нэлээд хөгжилтэй байсан шүү. Орой нь харин усны машин хүлээж нэлээд удсан шүү. Гэхдээ тэр өдөр өөр хүнд чин сэтгэлээсээ тусалсан болохоор бүгд л сэтгэл хангалуун буцсандаа. GOOD LUCK!!!